“Mən də çox istəyərdim ki, heç bir komanda Premyer Liqadan düşməsin”

"Sumqayıt"la oyunlarımız həmişə gərgin və maraqlı keçir. Budəfəki matç da istisna təşkil etmədi. Artıq çempionatda dördüncü dövrədir, komandalar bir-birini daha yaxşı tanıyır. Qalib gələ bilməsək də, bu gün futbolçular verdiyimiz tapşırıqları düzgün yerinə yetirdilər”.

Futbolxeber.az saytının məlumatına görə, bunu “Şamaxı”nın baş məşqçisi Vüqar Əsgərli Azərbaycan Premyer Liqasının 30-cu turunda “Şamaxı” ilə qolsuz bərabərə qaldıqları matçdan sonra deyib.

O, komandasının hər görüşə qələbə üçün çıxdığını bildirib: “Bizim üçün evdə, yaxud səfərdə oynamağın elə də fərqi yoxdur. Hər oyuna qələbə üçün çıxırıq. Bəli, bu gün əsas rəqiblərimizdən biri ilə heç-heçə etdik. Amma futbolçularımız əzmkarlıq göstərdilər. Komanda da qalib gəlmək istəyir. Lakin bəzən bu, alınmır”.

Mütəxəssis Nihat Quliyevin start heyətində yer almamasına belə aydınlıq gətirib:

“Nihatın bir az yorğunluğu var idi. Bu da sıx qrafikdən irəli gəlir. Həm də məşqlərdə kim özünü yaxşı tərəfdən göstərirsə, start heyətində də həmin futbolçulara şans veririk”.

Həmkarları kimi, V.Əsgərli də hansısa komandanın Premyer Liqanı tərk etməməsinin tərəfdarı olduğunu vurğulayıb: “Əslində, mövsüm başlamamışdan bilirdik ki, yekunda bir komanda Premyer Liqanı tərk edəcək. Təbii ki, mən də çox istəyərdim ki, heç bir komanda Premyer Liqadan düşməsin. Çünki bütün klublar yaxşı işlər görür. Yekunda necə olacağını zaman göstərəcək. Amma biz özümüz sona kimi mübarizə aparacağıq ki, Premyer Liqada yerimizi qoruyaq”.