25 Iyun 2024, Çərşənbə axşamı
"Qəbələ"də yeni məşqçi təyinatı
"Şamaxı"da portuqaliyalı qapıçı
Eddi “Neftçi”dən niyə getdi?
"Turan Tovuz"dan yeni transfer

Ölkə futbolu

“3 xal bizim üçün çox vacib idi”

"İlk növbədə azarkeşlərə təşəkkürümü bildirirəm. Bu ağır vəziyyətdə bizi ruhlandırdılar”.

Futbolxeber.az saytının məlumatına görə, bu sözləri “Kəpəz”in baş məşqçisi Tərlan Əhmədov Azərbaycan Premyer Liqasının XXVIII turunda “Səbail”i 1:0 hesabı ilə məğlub etdikləri matçdan sonra deyib.

Təcrübəli mütəxəssis 3 xalın komandası üçün vacib olduğunu bildirib: “Rəqibə oynamağa imkan verməməyə çalışdıq, təzyiqdə saxladıq. 3 xal bizim üçün çox vacib idi. Uğurlu çıxışın davamını gətirmək istəyirdik. Bu gün ən çox nəticə üçün çalışdıq. Futbolçularıma gözəl mübarizəyə görə təşəkkür edirəm".

O, ot örtüyünün daha yaxşı olmasını arzuladığını söyləyib: “Əlbəttə ki, oyun keyfiyyətinə bu məqam təsir edir. Amma peşəkarlar üçün problem olmamalıdır. Təbii ki, qazonun bu vəziyyətdə olması bizim üçün də üzücüdür. Ot örtüyü yaxşı olsa, oyunlarımız da daha keyfiyyətli alınar”.

Əhmədov indidən yeni mövsüm barədə düşünmədiklərini vurğulayıb: “Bəli, komanda yüksəlişdədir. Çalışırıq ki, bu vəziyyəti saxlayaq. İndidən heç kimlə danışıq olmayıb. Premyer Liqada qalmağımız dəqiqləşəndən sonra futbolçularla danışıqlar başlanacaq. Üstəlik, büdcə də bəlli olmalıdır. Builki əməkhaqqı ilə heç bir futbolçu yeni müqavilə imzalamaz”.

Təcrübəli mütəxəssis hazırda klubdakı gələcək fəaliyyəti barədə düşünmədiyini söyləyib: “Rəhbərliklə yeni mövsümlə bağlə heç bir danışığımız olmayıb. AZAL-da olarkən 1,8 milyonluq büdcəni 155 minə endirdilər. Ancaq komandanı tərk etmdim. Bu gün də eyni cür davranaram. Sırf çempionata köklənmişik. Müqavilədən danışmaq hələ tezdir. Bu gün qalib gələrək Premyer Liqada qalmaq şansımızı artırdıq”.

O, komandasından heç kimin milliyə cəlb olunmamasına da münasibət bildirib: “Açığı Fərid Nəbiyevin dəvət olunacağını gözləyirdim. O, "Kəpəz"in lider futbolçularından biridir. Bizdən aşağıda olan klublardan futbolçulara dəvət göndərilirsə, Fərid də çağırılmalı idi. O, özü də üzüntü yaşadı. Zədəli futbolçuları milliyə çağırıb ehtiyatda saxlamaqdansa, Fərid kimi uşaqları dəvət etmək daha yaxşıdır”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30