“Belə qazonda futbol oynamaq olmaz”

“Bu cür meydanda futbol oynamaq olmaz. Çünki bu, ilk növbədə futbolçular üçün böyük riskdi”.

Futbolxeber.az saytının məlumatına görə, bu sözləri “Səbail”in baş məşqçisi Şahin Diniyev Azərbaycan Premyer Liqasının 28-ci turunda “Kəpəz”ə 0:1 hesabı ilə uduzduqları oyundan sonra deyib.

Təcrübəli mütəxəssis Gəncə şəhər stadionunun qazonunun yararsız halda olduğunu bildirib: “Ayaq qazonda batır və çıxmır. Bu, hər an ayağının qırılması ehtimalıdır. İkinci hissədə futbolçularımızın meydançada dayanmalarının bir səbəbi də məhz budur. Özləri də dedilər ki, nə qədər çalışsaq da, qaça bilmirik. Qazon buna imkan vermir”.