Nazir: "Nəticələrimiz var, idmanda da, futbolda da"

“Ölkəmizdə idman dövlət siyasətidir, dövlət qayğısı, ölkə başçısının idmana, futbola sevgisini bilirik, hiss edirik. Futbolçular və idmançılar bilir. İdman üçün ölkəmizdə yaradılan şəraitdən xəbərimiz var. Nəticələrimiz də var, idmanda da, futbolda da".

Futbolxeber.az saytının məlumatına görı, bu sözləri gənclər və idman naziri Fərid Qayıbov AFFA-nın Konfransında çıxışı zamanı deyib.

O, Konfransın uğurla təşkil olunduğunu qeyd edib: "AFFA-nı təbrik edirəm. Bugünkü konfrans çox yaxşı təşkil olunub. AFFA-nın keçmiş baş katibi Elxan Məmmədov artıq FİFA-da çalışır. Bu da nailiyyətdir".

Nazir AFFA ilə birgə çalışmalı olduqlarını deyib: "Mən də “Qarabağ”ı qazandığı nəticələrə görə təbrik edirəm. Təbii ki, biz azarkeşlər daha yaxşı nəticə istəyirik. Amma unutmayaq ki; güclü Avropa klubları ilə oynayırıq. AFFA ilə bərabər çalışmalıyıq və istəyirik ki, klubların sayı daha da artsın. İnanıram ki, bu istiqamətdə işlər gedəcək, klubların sayı artacaq. Yeni stadionlar tikilib. Amma yenə də, bu istiqamətdə işlər görməyimiz lazımdır.FİFA və UEFA-ya minnətdarlıq edirəm ki, federasiya dəstək olurlar, klublara kömək olurlar. Futbolun inkişafı üçün töhfə verirlər. Futbol ən populyar idman növüdür. Federasiyasının büdcəsindən bilinir".