"Qəbələ" rumınlarla heç-heçə etdi

"Qəbələ" bu gün Türkiyədəki təlim-məşq toplanışı çərçivəsində ilk yoxlama matçına çıxıb.

Futbolxeber.az saytının məlumatına görə, "qırmızı qaralar" Rumıniyanın “Sepsi” klubu ilə üz-üzə gəlib. Təmsilçimiz oyun ərzində 2 dəfə hesabda önə keçsə də, yekunda heç-heçə qeydə alınıb.

Qeyd edək ki, yanvarın 17-də aşa çatacaq hazırlıəq prosesi çərçivəsində "Qəbələ" daha iki yoxlama matçı keçirəcək. Elmar Baxşıyevin komandası yanvarın 14-də Almaniyanın “Lukenvalde”, 16-da Çexiyanın “Teplitse” klubu ilə görüşəcək.

Yoxlama matçı

12 yanvar

"Qəbələ" (Azərbaycan) - "Sepsi" (Rumıniya) - 2:2

Qollar: Ülvi İsgəndərov, 7 (1:0), Marion Rondon, 48 (1:1), İsnik Alimi, 66 (2:1), Marius Ştefanesku, 72-pen (2:2)