1 Noyabr 2025, Şənbə
"Qarabağ" "İmişli"yə qalib gəldi
X turun hakim təyinatları açıqlandı
Millimiz Banqladeşə gedir
"Kəpəz" 10 min manat cərimələndi

Ölkə futbolu

Elmar Baxşıyev: “Belə məğlubiyyət almaq ağırdır”

“Oyunun ağır olacağını öncədən də bilirdik. “Sabah” iddialıdır, çempionatın liderlərindən biridir. Komanda meydanda yaxşı mübarizə apardı".

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Premyer Liqanın 12-ci turunda səfərdə "Sabah"a uduzduqları oyundan sonra mətbuat konfransında deyib.

O, 1:2 hesabı ilə uduzduqları matçı belə şərh edib: "Oyunun dinamikası yüksək idi. Əlbəttə, belə məğlubiyyət almaq ağırdır. Amma hər yenilgi bizi daha da güclü etməlidir. “Qəbələ” xal itirəndə hər kəs bir cür yanaşır. Bəziləri daxildə nələrsə baş verdiyini fikirləşir, digərləri bunu fiziki durumla bağlayır. Komandada həm ab-hava, həm də fiziki hazırlıq yaxşıdır. Oyunlar bir-birindən fərqlidir. İddialı rəqiblə daha yüksək motivasiya ilə oynayırlar. Bugünkü matçda da hiss olunurdu. Mənim üçün qara zolaq anlayışı yoxdur. Bir qələbədən sonra heç kim bu haqda danışmayacaq. Görüşü analiz edəcək və daha yaxşı olmağa çalışacağıq”.

Baxşıyev hakimlik barədə də danışıb: “Hakimlikdən danışmaq istəyirəm. Mənim gördüyümə əsasən Elvin Camalov ikinci sarı vərəqə almalı idi. “Sabah”ın qələbəsinə kölgə salmaq istəmirəm. Ancaq hakimlər ilk qarşılaşmada da, bu dəfə də fərqli reaksiya verdilər. Qırılma nöqtəsi həmin epizod idi. Bundan əvvəlki üç oyunda xal itirməyimiz gərginlik yaratmayıbsa, deməli, komandanı bundan uzaq saxlamağa çalışırıq.  Düşünmürəm ki, bu matçı uduzmağımızın növbəti oyuna təsiri olacaq”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30