“Qarabağ” bu dəfə heç-heçə etdi

Bu gün Avropa Liqasının qrup mərhələsində 4-cü turun oyunları keçirilir. 

Futbolxeber.az saytının məlumatına görə, turnirdə ölkəmizi təmsil edən "Qarabağ" da növbəti oyununa çıxıb. Öz meydanında “Olimpiakos”u qəbul edən Qurban Qurbanovun komandası qolsuz bərabərliyə nail olub. 

Qrupun digər oyununda “Nant” öz meydanında “Frayburq”a böyük hesabla uduzub.

Bu nəticələrdən sonra sona 2 tur qalmış “Qarabağ” ən pis halda qrup üçüncülüyünü, Konfrans Liqasının pley-offuna vəsiqəni təmin edib. Gələn tur Ağdam klubu səfərdə “Nant”a uduzmasa, qrupda ikinci yeri tutmağı dəqiqləşdirəcək.  

UEFA Avropa Liqası

Qrup mərhələsi, 4-cü tur

G qrupu

13 oktyabr

“Qarabağ” (Azərbaycan) - “Olimpiakos” (Yunanıstan) 0:0

Baş hakim: Kreyq Pauson (İngiltərə)

Bakı. Tofiq Bəhramov adına Respublika stadionu