15 Mart 2026, Bazar günü
"Qarabağ" "Zirə"yə qalib gəldi
Andrey Demçenkodan qələbə şərhi
“Sumqayıt”dan azarkeşlərə jest
“Səbail” “Mingəçevir”ə qalib gəldi

Ölkə futbolu

“Viktoriya”nın müdafiəçisi: “Bakıdakı nəticə bizə revanş üçün əla şans verir”

“Meydanın mərkəzində dayanıb Çempionlar Liqasının himninin dinləmək əla bir duyğu idi. İlk dəfə idi bu hissləri yaşayırdım. Orada olduğuma görə sevinirəm”.

Futbolxeber.az saytının məlumatına görə, bu sözləri Çexiya mətbuatına müsahibəsində “Viktoriya”nın müdafiəçisi Vatslav Yemelka deyib.

“Qarabağ”la Bakıda keçirdikləri Çempionlar Liqasının ilk pley-off matçı (0:0) haqda danışarkən 27 yaşlı futbolçu deyib:  “Bakıdakı nəticə bizə revanş üçün əla şans verir. Komandamızla fəxr edirəm. Biz çətin şəraitdə heç-heçə üçün mübarizə apardıq və istəyimizə çatdıq. Bakıda hava çox pis, rəqib isə yaxşı idi”.

27 yaşlı mərkəz müdafiəçisi “Qarabağ”la oyunda ona yad olan sol cinah müdafiəçisi kimi oynayıb. Çexiya millisinin futbolçusu bu haqda deyib: “Bu haqda matça bir gün qalmış bildim. Əlbəttə, bu, stoper mövqeyi deyil. Amma mən tapşırıqla barışmalı oldum. Şadam ki, məşqçimiz məni həvəsləndirdi və məndə inam yaratdı”.

O, heç vaxt Çempionlar Liqasında oynamasa da, Bakıda 31 min tamaşaçı önündə çıxış edib. “Deməzdim ki, Bakıdakı oyun mənim üçün ən çətin matç idi. Mən hətta bunu ağlımdan da keçirmirəm. Hər dəfə meydana çıxanda rəqibin kimliyindən asılı olmayaraq, əlimdən gələni etməyə çalışıram”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31