“Neftçi” Samir Abasovun köməkçilərini də göndərdi

“Neftçi” məşqçilər korpusuna daxil olan köməkçi məşqçilərlə yolları ayırıb.

Futbolxeber.az-ın klubun saytına istinadən verdiyi məlumata görə, Seymur Rəhimov, Vəfadar Quliyev, Mübariz Orucov, qapıçılar üzrə məşqçi Etibar Tarıverdiyev və fiziki hazırlıq üzrə məşqçi Eduardo Karo ilə başa çatan müqavilənin müddətinin uzadılmamasına qərar verilib. 

Qeyd edək ki, Etibar Tarıverdiyev 2018-ci ilin iyunundan, Seymur Rəhimov və Vəfadar Quliyev 2020-ci ilin noyabrından, Eduardo Karo 2021-ci ilin yanvarından, Mübariz Orucov isə 2021-ci ilin iyunundan “Neftçi”də çalışırdı.

Daha əvvəl klub baş məşqçi Samir Abasovla da müqavilənin uzadılmamasına qərar verib.