De Byazi: “Türkiyə millisinə çətinlik yaşatmaq üçün əlimizdən gələni edəcəyik”

"Sabah iki qardaş ölkənin komandası qarşı-qarşıya gələcək. Türkiyə millisinin çox yaxşı legionerləri var. Olduqca keyfiyyətli komandadır”.

Futbolxeber.az saytının məlumatına görə, bu sözləri milli komandamızın baş məşqçisi Canni De Byazi sabah Türkiyə yığmasına qarşı keçiriləcək yoxlama görüşü barədə danışarkən deyib.

İtaliyalı mütəxəssis oyun öncəsi mətbuat konfransında sabahkı matçda Türkiyə millisinə çətinlik yaratmağa çalışacaqlarını qeyd edib: “Burada olduğum üçün sevinirəm. Rəqibə çətinlik yaşatmaq üçün əlimizdən gələni edəcəyik. Hər bir futbolçunun hazırkı durumunu görməliyik. Onları seçmə mərhələ oyunlarına hazırlamaq lazımdır. Düşünürəm ki, komandamız həm böyüyür, həm də inkişaf edir. Gələcəkdə hər şey daha yaxşı olacaq. Hər matçda əlimizdən gələnin ən yaxşısını edəcəyik. Əsas olan beynəlxalq arenada oyun təcrübəsi qazanmaqdır”.