"Sivasspor" qələbəni əldən verdi

Avropa Liqasının qrup mərhələsində “Qarabağ”ın rəqibi olan “Sivasspor” Superliqada növbəti matçına çıxıb.

Futbolxeber.az saytının məlumatına görə, Rza Çalımbayın kollektivi 9-cu turda “Fatih Karagümrük”lə qarşılaşıb.

Oyun 1:1 hesablı heç-heçə ilə başa çatıb. Liçayın topu öz qapısına göndərməklə hesabda önə keçən Sivas təmsilçisi yalnız hakimin final fitinə 4 qalmış qapısında qol görməklə qələbəni əldən verib.

Qeyd edək ki, bu bərabərlikdən sonra xallarının sayını 9-a çatdıran “Sivasspor” 13-cü pillədə qərarlaşıb.