“Qəbələ” Bolqarıstan klubu ilə heç-heçə oynadı

Təlim-məşq toplanışını Antalyada davam etdirən “Qəbələ” bu gün daha bir yoxlama oyununda qüvvəsini sınayıb.

Futbolxeber.az saytının məlumatına görə, “qırmızı-qaralar” Bolqarıstanın “Etar” klubu ilə üz-üzə gəlib. Matç 0:0 hesabı ilə yekunlaşıb.

Qeyd edək ki, “Qəbələ” bundan əvvəlki yoxlama oyununda Macarıstanın MTK klubuna 0:3 hesabı ilə uduzub, “Çayka”ya (Rusiya) eyni hesabla qalib gəlib.

Təmsilçimiz Antalyadakı sonuncu oyununu yanvarın 25-də Rumıniyanın “Konkordiya” klubuna qarşı keçirəcək.m

Yoxlama oyunu

22 yanvar

“Qəbələ” (Azərbaycan) - “Etar” (Bolqarıstan) 0:0