"İndidən proqnoz vermək düzgün deyil"

“Neftçi”nin “Qarabağ”a qarşı keçirdiyi görüşü izlədim. Mənə görə çox maraqlı oyun alındı. Mən də düşünürəm ki, çempionluq mübarizəsi iki komanda arasında gedəcək”. Bu sözləri Futbolxeber.az saytına açıqlamasında milli komandamızın keçmiş hücumçusu Branimir Subaşiç deyib.

Vaxtilə yığma komandamızla yanaşı “Neftçi” və “Qarabağ” klublarında da oynamış serbiylı hansı komandanın çempionluğa daha şanslı olduğu barədə də danışıb: “Hansı komandanın daha şanslı olduğunu deməyim çətindi. Çünki hər iki komanda sona qədər mübarizəsini aparacaq. İndidən proqnoz vermək də düzgün deyil. Hər şeyə mövsüm sonunda aydınlıq gələcək. Çünki əgər iki komanda mübarizəyə giribsə, yalnız sonlarda hansı komandanın çempion olacağını söyləmək mümkündü”.