"Kosovanı da uda bilərik"

Milli komandamızın şərəfini qorumuş Elmar Baxşıyev Futbolxeber.az saytına açıqlama verib. O, yığma komandamızın Farer adaları ilə görüşdə qazandığı qələbəni şərh edib: “Millimiz Farer adaları üzərində qazandığı layiqli qələbə ilə qrupda birinci yeri tutmaq üçün önəmli addım atdı. Millimizin oyunu yaxşı təşkilatlanmışdı. Xətlər arası əlaqələr də məşqçi tərəfindən yaxşı qurulmuşdu.

Hiss olunurdu ki, Qurban Qurbanov Farer adalarını yaxşı təhlil edib. Bu oyunu unudubu Malta ilə oyunda da qələbə qazanmaq haqda düşünmək lazımdı. Bu da çox vacibdi. Millimiz nəticə qazanmaq gücdədi”.

“Millimiz bu tempi saxlaya bilsə qruoda birinci yeri tutmaq gücündədi. Komandamız Farer adaları ilə görüşdəki əzmi Malta ilə oyunda da göstərsə, hətta Kosovanı da səfərdə uda bilərik” – deyə, Baxşıyev fikirlərini yekunlaşdırıb.