"Neftçi"yə keçəcəyi deyilən futbolçu: "Qışdan sonra bu barədə qərarımı verəcəm"

“Jalqris”in futbolçusu Mamdu Mbodjun qış “transfer pəncərəsi” zamanı “Neftçi”yə keçə biləcəyi barədə xəbər vermişdik. Seneqallı futbolçu barədə Futbolxeber.az saytına açıqlama verib. O, təkliflərin çox olduğunu bildirsə də konkret olaraq “Neftçi” haqda danışmaq istəməyib: “Mən hazırda “Jalqris”də oynayıram və bütün fikrimi bu klubdakı çıxışıma yönəltmişəm. Başqa klub barədə danışmağım düzgün olmazdı. Ancaq təkliflərim var, sadəcə qışdan sonra bu barədə qərarımı verəcəm”.