Abdulbari Gözəl: "Qarabağ" könüllərin komandasıdır"

"Qarabağ"ın prezidenti Abdulbari Gözəl Ağdam klubunun "Gefle" üzərindəki 1:0 hesablı qələbəsini şərh edib. Futbolxeber.az-ın məlumatına görə, A.Gözəl komandasından razı qaldığını bildirib: "Komandamız bu gün əla oynadı. Oyundan tam razı qaldım. "Qarabağ" könüllərin komandasıdır, "Qarabağ" gənc nəslin komandasıdır. Bu gün çox yaxşı çıxış etdik. 90 dəqiqə boyunca meydanda üstün olan tərəf "Qarabağ" idi. Yeni gələn futbolçuların hamısından razıyam. Onlar komandamızın qələbəsində böyük pay sahibi oldular. Qurban Qurbanova çox inanıram. O əsl peşəkardı. Qurbanova həm məşqçi, həm də insan kimi böyük hörmətim var. Mən ona tam inanıram, bütün səlahiyyətləri də ona vermişəm. Qurban Qurbanov nə desə, o da olacaq. Lazım gəlsə, Qurban bəy istəsə, heyəti gecləndirəcəyik".