"Qarabağ" play-offa yüksəlsə, hansı komandalarla qarşılaşa bilər?

UEFA Avropa Liqasında üçüncü mərhələyə çıxmış Ağdamın “Qarabağ” komandası İsveçin “Gefle” klubunu ələsə, püşk onun bəxtinə kimi qismət edə bilər? “Media forum” saytı bildirir ki, “Qarabağ” növbəti raunda çıxacağı halda zəiflər səbətində yer alacaq və güclü rəqiblə oynamalı olacaq. Mübarizəyə dördüncü mərhələdən başlayacaq yüksək reytinqli komandalar arasında İngiltərədən “Tottenhem”, İspaniyadan “Betis”, Almaniyadan “Ayntraxt”, İtaliyadan “Fiorentina”, Portuqaliyadan “Braqa”, Rusiyadan “Spartak” (Moskva), Hollandiyadan “Alkmaar”, “Feyenoord”, Ukraynadan “Dinamo” (Kiyev), “Dnepr”, Türkiyədən “Beşiktaş”, Belçikadan “Genk” var.

Üçüncü mərhələni adlayacaqları halda “Ştutqart” (Almaniya), “Rubin” (Rusiya), “Sevilya” (İspaniya), “Standard”, “Brügge” (hər ikisi Belçika), “Udineze” (İtaliya), “Hapoel” (Tel-Əviv, İsrail), “Makkabi” (Hayfa, İsrail), “Sent-Etyenn” (Fransa), “Lex” (Polşa), “Trabzonspor” (Türkiyə), “Suonsi” (İngiltərə), “Jilina” (Slovakiya) komandaları da “Qarabağ”ın potensial rəqibləri sırasında dayanacaqlar.

“Qarabağ”ın Çempionlar Liqasının üçüncü mərhələsindən ələnəcək klublardan birinə rəqib olması da mümkündür. Məsələn, PAOK (Yunanıstan), “Zalsburq” (Avstriya)...

Ağdamlılar birinci raundda Makedoniyanın “Metallurq” (hər iki oyunda 1:0), ikinci raundda Polşanın “Pyast” (2:1, 2:2) komandasını mübarizədən kənarlaşdırıb.