Rövnəq Abdullayevin adından "Keşlə" üçün təzyiqlər

"İnter"in himayəçi Azərbaycan Beynəlxalq Bankından məhrum olması bu klubun qara günlərinin başlanğıcı oldu. Bankın borcları səbəbindən bazasından çıxarılan, sonra tam məlum olmayan səbəblərdən geri qaytarılan, adı "İnter"dən "Keşlə"yə dəyişdirilən klub hələ toparlana bilmir.

Niyə "Keşlə"?

Çünki "İnter" də maliyyəsiz qalandan sonra AFFA-nın himayəsinə keçirildi. Belədə və digər səbəblərdən asılı olaraq klubun adı dəyişdirilməliydi.

O vaxt AFFA prezidenti Rövnəq Abdullayev tədbirlərin birində təklif etmişdi ki, klubun adı "Keşlə" qoyulsun. Bu, AFFA rəhbərinin futbolu bölgələrə daşımaq ideyasının tərkib hissəsi idi ki, sonradan özü paytaxta təmərküzləşmənin baiskarına çevriləcəkdi...

Vaxt keçdi, elə də oldu. Yəni "İnter" "Keşlə"yə dəyişdirildi.

Hələ ad dəyişilməsi və rebrendinq/sənədləşmə işləri tam yekunlaşmayıb, ancaq klub adına növbəti normallıqdan uzaq həqiqətdən xəbər tutmuşuq.

Məlumatlı mənbələrdən redaksiyamıza daxil olan məlumata görə, Rövnəq Abdullayevin adından Nizami rayonundakı dövlət idarələrinə, ictimai təşkilatlara göstəriş verilib ki, "Keşlə"nin oyununa getsinlər. Təkcə Nizami Rayon Gənclər və İdman İdarəsinə "Keşlə"nin ev oyunlarına 30 əməkdaş göndərmək tapşırılıb.

Səbəb:

Niyə Rövnəq Abdullayevin adından olub bu?

Abdullayev klubun yerləşdiyi Nizami rayonundan deputatdı.