“Neftçi” “Herta”ya məğlub oldu

Avstriyada təlim-məşq toplanışında olan “Neftçi” hazırlıq çərçivəsində sonuncu yoxlama oyununa çıxıb.

Futbolxeber.az saytının məlumatına görə, “ağ-qaralar” “Herta” ilə üz-üzə gəlib. Görüş Almaniya təmsilçisinin 4:0 hesablı qələbəsi ilə tamamlanıb.

Darida, Lanqkamp, İbişeviç və Essveinin qolları sayəsində hər iki hissədə 2 dəfə fərqlənən “Herta” meydandan 4:0 hesablı qələbə ilə ayrılıb.

Bununla da Elxan Abdullayevin komandası üçüncü görüşündə də qələbə qazana bilməyib. Buna qədər “Neftçi” “Şalke”yə (Almaniya) 0:1 hesabı ilə uduzub və “Əl-Əin”lə (BƏƏ) 1:1-lik heç-heçəyə razılaşıb.