Denis Silva: “Daha əvvəl “Neftçi”də oynamağım heç nəyi dəyişmir”

“Bizim üçün vacib oyun idi. Erkən qol buraxsaq da, sonradan 3 dəfə fərqləndik. Hər oyun bizim üçün finaldı. Çünki çempionluq uğrunda mübarizə aparırıq. Çalışırıq ki, “Qəbələ” və “Qarabağ”dan geri qalmayaq”. Futbolxeber.az saytına müsahibəsində bu sözləri “İnter”in müdafiəçisi Denis Silva Kruz Topaz Premyer Liqasının X turunda “Sumqayıt”ı 3:1 hesabı ilə məğlub etdikləri oyundan sonra deyib.

Braziliyalı müdafiəçi növbəti turda sabiq komandası “Neftçi”yə qarşı keçirəcəkləri oyun barədə bunları söyləyib: “Bizim üçün bütün oyunlar eyni əhəmiyyətə malikdi. Daha əvvəl “Neftçi”də oynamağım heç nəyi dəyişmir. “Neftçi”nin hazırkı vəziyyətinə görə üzülürəm. “Neftçi” Azərbaycan üçün çox əhəmiyyətli, vacib, böyük komandadı. “Neftçi”nin bu duruma düşdüyünə görə, kədərlənirən. Amma nə baş verdiyini bilmirəm, çünki komandada deyiləm”.

Sonda Denis Silva “bankirlər”in prezident postundan ayrılan Rəşad Qasımovla bağlı sualı da cavabıandırıb: “Danışmaq çətindi. Onun ayrılması qəribə oldu. Bu qərarı niyə qəbul etdiyini dəqiqliklə bilmirəm. Amma klub üçün çox iş gördüyü danılmazdı”.