“Bu qələbəni Rəşad Qasımova həsr edirik”

“Oyuna yaxşı başlamadıq. Erkən qol buraxdıq. Ancaq sonradan toparlanaraq, qələbə qazanmağı bacardıq. Bu qələbəni Rəşad Qasımova həsr edirik”. Futbolxeber.az saytının məlumatına görə, bu sözləri “Sumqayıt”la oyundan sonra (3:1) “İnter”in baş məşqçisi Zaur Svanadze deyib.

Gürcü mütəxəssis klubda baş verən rəhbər dəyişikliyinə də münasibət bildirib: “Rəşad bəyin istefası futbolçulara az da olsa, təsir edir. Ancaq futbolçular meydana çıxanda ancaq oyun barədə düşünür. Həm futbolçular, həm də məşqçilər peşəkardılar. Bugünkü oyunda sübut etdilər ki, rəhbərlikdəki dəyişiklik oyunumuza təsir etməyəcək”.