Rəşad Sadıqov: “Meydana 3 xal üçün çıxacağıq”

“Qəbələ”nin kapitanı Rəşad Sadiqov sabah Avrliqanın qrup mərhələsinin ilk turunda səfərdə “Anderlext”ə qarşı keçirəcəkləri matçdan danışıb.

Futbolxeber.az saytının məlumatına görə, Brüsseldə oyunöncəsi mətbuat konfransına qatılan təcrübəli yarımmüdafiəçi meydana 3 xal üçün çıxacaqlarını bildirib: “Çətin oyun olacaq. Çünki rəqib “Anderlext”dir. Bu komandanın necə təcrübəli olması hamıya məlumdur. Onlar UEFA Çempionlar Liqası və UEFA Avropa Liqasının qrupunda kifayət qədər çıxış ediblər. Buna baxmayaraq, biz də iddialıyıq. Meydana 3 xal üçün çıxacağıq. Çalışacağıq ki, qalib gələk. Bakıya ən azı xalla dönmək niyyətindəyik. Qrup mərhələsində ilk oyunumuzdur. Yaxşı nəticə ilə başlamalıyıq ki, davamı da gəlsin”