“Qarabağ”a çox hücum qurmağa imkan vermədik”

“Çətin oyun oldu. Belə olacağını da bilirdik. gözləyirdik. Buna  baxmayaraq, mübarizə apardıq. Ancaq bir neçə səhvə yol verdik. Çalışacağıq gələn oyunlarda bu səhvlərə yol verməyək”. Futbolxeber.az saytının məlumatına görə, bu sözləri “Qarabağ”la oyundan “Zirə”nin baş məşqçisi Adil Şükürov deyib.

Gənc məşqçi 0:2 hesablı yenilgini belə şərh edib: “Zədəlilərimiz də var idi. "Qarabağ"a çox hücum qurmağa imkan vermədik. Sürətli əks-hücumlar qurmağa çalışsaq da, bəzi oyunçuların buna ustalığı çatmadı. Mövsümün əvvəlində bizə qoşulan futbolçuların çoxu öz klublarında ehtiyatda qalan futbolçular idi. Ancaq onlar bizdə yaxşı oyun sərgiləməyi bacardılar. Çempionluğa oynayan komanda belə səhvlər etməməlidi. Dediyim kimi, gələn oyunlarda bu səhvlərə yol verməməliyik”.