Şahin Diniyev: “AZAL 6 oyundur ki, top buraxmır”

“Kəpəz”in baş məşqçisi Şahin Diniyev bu gün Premyer Liqanın XX turu çərçivəsində AZAL-a qarşı keçirəcəkləri oyundan danışıb. Futbolxeber.az-ın məlumatına görə, klubun rəsmi saytına açıqlamasında təcrübəli mütəxəssis bunları söyləyib: “Bizi bəlkə də “Qəbələ” ilə oyundan da çətin qarşılaşma gözləyir. Uşaqlar bunu yaxşı dərk edirlər. Çalışacağıq ki, meydanda əlimizdən gələni edək. Amma asan görüşün olmayacağını bir daha təkrarlayıram. Rəqib mübariz komandadır, meydançanın hər qarışı uğrunda vuruşur, motivasiyalıdır. “Qarabağ”ı məğlub ediblər və bu onlarda həvəsi daha da artırıb. Altı oyundur ki, top buraxmırlar”.