“Kəpəz” - AZAL oyununun biletləri satışa çıxır

Fevralın 7-də Azərbaycan Premyer Liqasının XX turunda keçiriləcək “Kəpəz” - AZAL oyununda bilet satışı təşkil olunacaq. Futbolxeber.az-ın məlumatına görə, biletin qiyməti 1 manatdır.

“Kəpəz” klubu rəsmi saytı vasitəsi ilə azarkeşlərə müraciət ünvanlayıb:

- Qarşıdakı matçda arenaya çoxlu sayda azarkeşin gələcəyi gözlənildiyindən giriş qapılarında tıxacın yaranmaması və futbolsevərlərin stadiona rahat daxil olması üçün oyuna bir qədər tez gəlmələri xahiş olunur.

Bilet satışı ilə yanaşı, əvvəlki kimi bütün fanklublar, xanımlar və uşaqlar arenaya pulsuz daxil ola biləcəklər. Eləcə də imtiyazlı qurumlara dəvətnamələr veriləcək ki, onların da stadiona girişi tam sərbəstdir.

Qeyd edək ki, “Kəpəz” - AZAL oyununun başlama vaxtı saat 13:30-dur.