Pantiç: “Ədalətli nəticə oldu”

“Ədalətli nəticə oldu. Rəqib qapısı ağzında çoxlu qol epizodları yaratsaq da, onları qola çevirə bilmədik. Cəmi bir dəfə fərqlənə bildik. Rəqib isə qapımıza üç dəfə gəldi və hamısında qol vurdu”. Futbolxeber.az-ın məlumatına görə, bu sözləri “Qəbələ” ilə oyundan sonra “Bakı”nın baş məşqçisi Milinko Pantiç deyib.

Pantiç bəzi futbolçularını risqə atmaq istəmədiyini bildirib: “Qəbələ”nin heyətində yüksək ustalıq səviyyəsi olan futbolçular var. Bizdən daha üstün oynayıb qələbə qazandılar. Topa sahib olmada üstün idik. Heyətdə müəyyən itkilərin olması da oyunumuza təsir etdi. “Qəbələ”ni Avropa Liqasına vəsiqə qazanması ilə təbrik edirəm, uğurlar arzulayıram. Rauf Əliyev və Cavid zədədən sonra tam bərpa olmadıqları üçün bu gün Qəbələyə gətirilməyiblər. İlk növbədə futbolçuların sağlamlığını düşünürəm, onları riskə atmaq istəmədim”.