“Qəbələ” tarixi uğura imza atdı

“Qəbələ” klubu tarixi uğura imza atıb. Futbolxeber.az-ın məlumatına görə, əyalət təmsilçisi ilk dəfə olaraq avrokuboklara vəsiqə qazanıb. Azərbaycan Premyer Liqasının 34-cü turunda öz meydanında “Bakı”nı məğlub edən (3:1) Yur Syominin komandası bununla da Avroliqaya vəsiqəni rəsmiləşdirib. “Qırmızı-qaralar” son iki turda uduzsa belə, şəxsi oyunlardakı üstünlüyə görə “Bakı”nı qabaqlayacaq.

Xatırladaq ki, “Qəbələ”yə qədər “Qarabağ” və “İnter” də növbəti mövsümdə ölkəmizi avrokuboklarda təmsil etmək hüququ qazanıb. Sonuncu - dördüncü vəsiqə isə “Neftçi” və “Bakı”dan birinə qismət olacaq. Əgər, “Neftçi” bu gün AZAL-ı məğlub edə bilsə, o zaman “ağ-qaralar” da avrokuboklara vəsiqəni rəsmiləşdirəcək.