“Xəzər Lənkəran”dan “Araz Naxçıvan”a təbrik mesajı

“Xəzər Lənkəran” klubu cari mövsümdə I divizionda çempion adını qazanan “Araz Naxçıvan”ı təbrik edib. Futbolxeber.az Lənkəran klubunun rəsmi saytında yer alan təbrik mesajını təqdim edir:

- Yeni yaranmasına rəğmən Azərbaycan çempionatının Birinci divizionunda mövsümə iddalı və uğurla  başlamış  “Araz Naxçıvan” klubunun  çempion olması münasibətilə klub rəhbərliyini, Muxtar  Respublikamızın futbolsevərlərini təbrik edirik. Ümid edirik ki, böyük futbol ənənələri olan Naxçıvanı təmsil edən “Araz Naxçıvan” klubu premyer liqada da uğurlarını davam etdirərək  bölgələrimizdə futbolun inkişafına yeni töhvələr verərək öz azarkeşlərini sevindirəcək, klub tarixinə yeni zəfərlər yazdıracaq!