“Vaqif Sadıqov Azərbaycanın ən güclü məşqçilərindən biridir”

“Bugünkü oyun çox çətin idi. Komandamızda dəyişiklik oldu, bu da oyunumuza təsir etdi. Məğlub olmağımıza baxmayaraq, komanda yaxşı təsir bağışladı”. Futbolxeber.az-ın məlumatına görə, bu sözləri “Neftçi” ilə oyundan sonra AZAL-ın məşqçisi Şakir Qəribov deyib.

O, AZAL-la yollarını ayıran Vaqif Sadıqovdan da söz açıb: “İlk hissədəki qol imkanlarından istifadə edə bilmədik. Oyunu bərabərləşdirmək lazım idi. Yaratdığımız qol epizodları həm bərabərlik, həm də qələbə qazanmaq üçün kifayət edərdi. Yaxşı oyunlarımızdan birini oynadıq. Vaqif Sadıqovun oyundan bir gün öncə komandadan ayrılması hamımıza təsir etdi. Onunla komandaya gəlmişəm, onunla da gedəcəm. Vaxtında buraxılan səhvlər öz nəticəsini göstərir. Vaqif Sadıqov Azərbaycanın ən güclü məşqçilərindən biridir”.