Emre Belezoğlu yenə aləmi qarışdırdı

Dünən Türkiyə Superliqasının 21-ci turu çərçivəsində keçirilən “Fənərbaxça” - “Kasımpaşa” matçında (2:1) xoşagəlməz anlar yaşanıb. Futbolxeber.az-ın məlumatına görə, matçın 5-ci dəqiqəsində hakimin ofsayt qərarından sonra İstanbul klubunun kapitanı Emre Belezoğlu özündən çıxıb. Aqressiv futbolçu üzünü “Kasımpaşa”nın ethiyat oyunçular skamyasına çevirərək, əvvəlcə barmağını silkələyib, daha sonra isə qarşı tərəfi ağır söyüşlərlə təhqir edib. Bu məqam oyunu canlı yayımlayan “Lig TV”nin kameralarına da düşüb.

Təcrübəli futbolçunun bu addımı sosial şəbəkələrdə geniş müzakirəyə yol açıb. Azarkeşlər bu hərəkətinə görə Emreni sərt şəkildə tənqid ediblər.

Xatırladaq ki, buna bənzər olay ötən mövsüm də yaşanmışdı. “Kasımpaşa”nın ehtiyat oyunçular skamyasına söyüşlər yağdıran Əmrə, sonda məhkəməlik olmuşdu.