Puxaçın milliyə qayıdışı uğursuz alındı

“Sabah”ın müdafiəçisi Timoteuş Puxaç 2 illik fasilədən sonra Polşa yığmasının heyətində meydana çıxıb.

Futbolxeber.az saytının məlumatına görə, 27 yaşlı futbolçu UEFA Millətlər Liqasının B Liqasının ikinci turu çərçivəsində İsveçə qarşı keçirilən səfər oyununda ilk 11-likdə yer alıb.

Birinci hissədə sarı vərəqə ilə cəzalanan Puxaç 65-ci dəqiqədə əvəzlənib. Frankovski onun əvəzinə meydana çıxıb.

Matç Polşa yığmasının məğlubiyyəti ilə başa çatıb - 1:3.

Qeyd edək ki, 2 turdan sonra 1 xalı olan Polşa millisi qrupda üçüncü pillədə qərarlaşıb.