“Qarabağ”ın qapıçısı 2 qol buraxsa da, komandası qalib gəldi

UEFA Millətlər Liqasının B Liqasının ikinci turu çərçivəsində Bosniya və Herseqovina yığması səfərdə Rumıniyanın qonağı olub.

Futbolxeber.az saytının məlumatına görə, matç Bosniya və Herseqovina millisinin 4:2 hesablı qələbəsi ilə başa çatıb.

Bosniya və Herseqovina yığmasına dəvət alan “Qarabağ”ın qapıçısı Martin Zlomişliç bu görüşün iştirakçısı olub. O, meydana start heyətində çıxıb və sonadək oynayıb.

Qeyd edək ki, 2 turdan sonra Bosniya və Herseqovina yığması 4 xalla qrupda ikinci yerdədir.