“Bakı”nın keçmiş baş məşqçisi “Trabzonspor”u çalışdıra bilər

Türkiyənin “Trabzonspor” klubu baş məşqçi axtarışlarını davam etdirir. Futbolxeber.az-ın məlumatına görə, hazırda Şenol Günəşlə danışıqlar aparan Trabzon təmsilçisinin namizədləri arasında sürpriz isim yer alıb. Söhbət vaxtı ilə “Bakı”nı çalışdıran Vinfred Şeferdən gedir. Əgər, Şenol Günəşlə razılıq əldə olunmasa, klub rəhbərliyi Şeferə rəsmi təklif göndərəcək.  2013-cü ilin iyul ayından Yamayka millisinin baş məşqçisi olan Şeferin sözləşməsi 2018-ci ilə kimidir.

Qeyd edək ki, 1982-ci ildən məşqçiliyə başlayan Şefer 1993-94 mövsümündə “Karslrue”ni UEFA kubokunun yarımfinalına yüksəltməsi ilə tanınıb. 2002-ci ildə isə 64 yaşlı alman mütəxəssis Kameruna Afrika Millət Kubokunu qazandırıb. 1 il sonra isə Şeferli Kamerun Konfederasiyalar Kubokunda ikinci olub. Amma alman mütəxəssisin “Bakı”dakı karyerası uğursuz alınıb.