Montella: “Komandada həyəcan var”

Türkiyə milli komandasının baş məşqçisi Vinçentso Montella DÇ-2026-nın ilk turu çərçivəsində Avstraliyaya qarşı keçirəcəkləri oyundan danışıb.

Futbolxeber.az saytının xarici KİV-ə istinadən verdiyi məlumata görə, italiyalı mütəxəssis mundialdan zövq almağa çalışacaqlarını bildirib:

“Komandada həyəcan var. Lakin biz inanırıq ki, hər şey istədiyimiz kimi alınacaq. Dünya çempionatında bizi çox sınaqlar gözləyir. Turnirdən zövq almağa çalışacağıq. Burada olduğumuz üçün biz artıq fəxr edə bilərik. Ən yaxşı oyunumuzu sərgiləməliyik”.

Xatırladaq ki, Türkiyə millisi dünya çempionatında ilk oyununu sabah səhər Bakı vaxtı ilə 08:00-da Avstraliyaya qarşı keçirəcək. “Ay-ulduzlular”ın qrupdakı digər rəqibləri isə ABŞ və Paraqvay yığmalarıdır.