Benzema “Lion”a qayıdır?

Kərim Benzema doğma klubu “Lion”a qayıtmaq ehtimalını dəyərləndirib.

Futbolxeber.az saytının xarici KİV-ə istinadən verdiyi məlumata görə, 38 yaşlı forvard bu ehtimalın futbolçu kimi reallaşmasının real olmadığını bildirib. Lakin ulduz futbolçu “Lion”un rəhbərliyində yer ala biləcəyini istisna etməyib.

Qeyd edək ki, Benzema 2005-2009-cu illərdə “Lion”da forma geyib. Daha sonra isə o, “Real”a transfer olunub.

Hazırda Səudiyyə Ərəbistanının “Əl-Hilal” klubunda forma geyən fransız forvardın müqaviləsi 2027-ci ilin yayında başa çatır.