Bernardu Silva iki klub arasında seçim edəcək

Bernardu Silva mövsümün sonunda “Mançester Siti”dən ayrılacaq.

Futbolxeber.az saytının məlumatına görə, “şəhərlilər”in kapitanı başa çatmaqda olan müqaviləsini yeniləməyib və bu səbəbdən də o, klubdan azad agent kimi ayrılacaq.

31 yaşlı futbolçunun xidmətində 4 klub maraqlıdır. “Yuventus”, “Barselona”, “Benfika” və “Qalatasaray” Silvanı heyətində görmək istəyir. Lakin o, karyerasını top-klubda davam etdirmək istəyir. Bu səbəbdən də portuqaliyalı ulduz Turin və ya Kataloniya klubuna keçəcək.   

“La Gazzetta dello Sport”un yazdığına görə, “Yuventus” rəsmiləri artıq futbolçunun meneceri Jorje Mendeşlə danışıqlara başlayıblar.