Mirça Luçesku dünyasını dəyişdi

Tanınmış rumıniyalı mütəxəssis Mirça Luçesku 80 yaşında vəfat edib.

Futbolxeber.az saytının məlumatına görə, bu haqda Rumıniya Futbol Federasiyası açıqlama yayıb.

Luçesku son günlər səhhətinin pisləşməsi səbəbindən xəstəxanaya yerləşdirilmişdi. Ona kəskin miokard infarktı diaqnozu qoyulmuş, daha sonra vəziyyəti ağırlaşdığı üçün süni komaya salınmışdı.

Qeyd edək ki, təcrübəli mütəxəssis karyerası ərzində “Qalatasaray”, “Beşiktaş”, “Dinamo” (Kiyev), “Şaxtyor” (Donetsk), “Zenit” kimi klublarda, həmçinin Rumıniya milli komandasında çalışıb.

Luçesku məşqçi kimi UEFA Superkuboku və UEFA kuboku da daxil olmaqla 35 titul qazanıb.