“Milan” bu qapıçı ilə danışıqlara başladı

“Liverpul”un qapıçısı Alisson Bekker İtaliya nəhəngi “Milan”ın transfer hədəfinə çevrilib.

Futbolxeber.az saytının məlumatına görə, bu barədə Britaniya mətbuatı yazıb.

“Milan” artıq “Liverpul” rəhbərliyi ilə danışıqlara start verib və braziliyalı qolkiperin transferini qısa müddətdə həll etmək istədiyini açıq şəkildə bildirib. Klub hesab edir ki, məhz indi - Alissonun müqaviləsinin son ilinə sayılı aylar qaldığı vaxt - transfer üçün ideal zamandır.

Qeyd edək ki, 33 yaşlı qolkiper 2018-ci ildən “Liverpul”da oynayır. O, cari mövsümdə bütün turnirlərdə 14 matça çıxıb, 19 qol buraxıb və 4 dəfə qapısını toxunulmaz saxlaya bilib.