Almaniya millisinin sabiq futbolçusundan şok etiraf: “Homoseksualam”

“Everton”, “Latsio”, “Volfsburq” və Almaniya millisinin sabiq futbolçusu Tomas Hitslşperger seksual orientasiyası haqda danışıb. Futbolxeber.az-ın məlumatına görə, veteran futbolçu homoseksual olduğunu gizlətməyib: “Gizlətmirəm, homoseksualam. Bunu ona görə açıq şəkildə deyirəm ki, qoy, digər idmançılar da öz orientasiyaları haqda açıq danışsınlar. Gey olduğumu anlamağım xeyli vaxt apardı. Əslində kim olduğumu bir neçə il əvvəl dərk etdim. İngiltərə, İtaliya və Almaniyada bu baxımdan heç bir problem yoxdur. Hətta paltardəyişmə otağında da. Ümumiyyətlə, heç vaxt seksual orientasiyama görə problemlə üzləşməmişəm”.

Xatırladaq ki, Hitslşperger futbolçu karyerasını ötən il başa vurub. O,  “Astom Villa”, “Çesterfild”, “Ştudqart”, “Latsio”, “Vest Hem”, “Volfsburq” və “Everton” klublarında, eləcə də Almaniya millisində forma geyib. 2004-2010-cu illər aralığında o, Bundestimin heyətində 52 oyunda forma geyib və 6 qol vurub.