Cəlalın qolu hesaba alınmadı, komandası darmadağına sevindi

Azərbaycan millisinin üzvü Cəlal Hüseynovun da formasını geydiyi “Arda” Bolqarıstan çempionatında üçüncü turun oyununa çıxıb.

Futbolxeber.az saytının məlumatına görə, komanda səfərdə “Botev Plovdiv”in qonağı olub.

Görüş “Arda”nın 5:0 hesablı qələbəsi ilə yekunlaşıb.

Cəlal bu matça meydana start heyətdə çıxıb. O, sonadək oynayıb. 22 yaşlı müdafiəçi 38-ci dəqiqədə fərqlənsə də, VAR-ın müdaxiləsindən sonra qol ofsayt səbəbindən hesaba alınmayıb.

Qeyd edək ki, mövsümdə ilk qələbəsini qazanan “Arda” xallarının sayını 4-ə çatdırıb və turnir cədvəlində 7-ci pilləyə yüksəlib.