Rüfət Abdullazadənin Xorvatiya çempionatında debütu baş tutmadı

Xorvatiya çempionatında 2025/26 mövsümünün ilk turuna yekun vurulub.

Futbolxeber.az saytının məlumatına görə, turun son oyununda həmyerlimiz Rüfət Abdullazadənin formasını geydiyi “Varazdin” öz meydanında “Qoritsa”nı qəbul edib.

24 yaşlı yarımmüdafiəçinin adı matçın iştirak ərizəsinə daxil edilsə də, onun debütu baş tutmayıb.  Belə ki, Rüfət matçı əvvəldən sona kimi ehtiyat oyunçular skamyasından izləyib.

Görüş 1:1 hesabı ilə yekunlaşıb.

Qeyd edək ki, sabiq “Səbail”li bu günlərdə “Varazdin”lə 3 illik müqavilə imzalayıb. Abdullazadənin komandası ikinci turda səfərdə “Slaven Belupo”nun qonağı olacaq. Avqustun 10-da keçiriləcək həmin görüş Bakı vaxtı ilə 20:45-də start götürəcək.