Kurban Berdıyev Fatih Terimin aqibətini yaşadı

“Rubin”in keçmiş baş məşqçisi Kurban Berdıyev bu gün Kazanda yerli azarkeşlərlə görüşüb. Futbolxeber.az-ın məlumatına görə, təcrübəli mütəxəssis komandadan göndərilməsi ilə bağlı maraqlı açıqlama verib: “İstefam barədə televizordan öyrəndim. Odur ki, mən də yalnız sizin bildiklərinizi bilirəm. Nə az, nə də çox. Əgər, məsələ ilə bağlı hər hansı yenilik olsa, sizə məlumat verərəm. Mən də sizinlə təntənəli şəkildə vidalaşmaq istəyirəm”.

Qeyd edək ki, son zamanlar Berdıyev istefasını televizor vasitəsi ilə öyrənən ikinci məşqçidir. Ona qədər Fatih Terim də “Qalatasaray”dan gedişini məhz televizor vasitəsi ilə öyrənmişdi.  

Xatırladaq ki, Kurban Berdıyev dekabrın 20-də istefaya göndərilib.