Modriç daha bir il “Real”da qalmaq istəyir

“Real”ın yarımmüdafiəçisi Luka Modriç klubla müqaviləsini uzatmaq istəyir.

Futbolxeber.az saytının məlumatına görə, bu barədə tanınmış insayder Fabritsio Romano bildirib.

O qeyd edib ki, xorvatiyalı futbolçu “Real”da daha bir mövsüm qalmaq və müqaviləsini 2026-cı ilin yayına qədər uzatmaq arzusundadır.  

Sentyabrın 9-da Modriçin 40 yaşı tamam olacaq.

Təcrübəli yarımmüdafiəçi 2012-ci ildən “Real”da çıxış edir. O, cari mövsümdə bütün turnirlər daxil olmaqla 44 oyun keçirib, 4 qol vurub və 7 məhsuldar ötürmə edib.