Azərbaycanlı futbolçu Polşada klubunu dəyişdi

Polşada çıxış edən həmyerlimiz Həsən Hüseyn klubunu dəyişib.

Futbolxeber.az saytının məlumatına görə, 19 yaşlı futbolçu IV liqa təmsilçisi “Mazur Karçzev”a transfer olunub.

2020-ci ildən Polşada yaşayan H.Hüseyn son olaraq “Drukaç”da forma geyib.

Qeyd edək ki, Həsənin yeni klubunun əsası 1942-ci ildə qoyulub. “Mazur Karçzev” hazırda 16 komanda arasında liderdir. 38 xalı olan kollektiv ən yaxın rəqibini 2 xal qabaqlayır. “Mazur Karçzev” növbəti mövsümdən daha yuxarı liqada oynamağı hədəfləyir.  

Həsən Hüseyn artıq martın 15-də yeni klubunda rəsmi debüt edə bilər. Həmin günü “Mazur Karçzev” 17-ci tur çərçivəsində səfərdə “Proç Pionki”nin qonağı olacaq.

Xatırladaq ki, Həsən “Sabah”ın yetirməsidir.