“Qarabağ”ın rəqibi sonda məğlubiyyətdən qaçdı

Rumıniya çempionatında 22-ci turun oyunları keçirilir.

Futbolxeber.az saytının məlumatına görə, UEFA Avropa Liqasında “Qarabağ”ın rəqiblərindən olan FCSB səfərdə “FC Hermannştadt”la üz-üzə gəlib. Matç heç-heçə yekunlaşıb.

13-cü dəqiqədə qapısında qol görən FCSB yalnız sona 4 dəqiqə qalmış - 86-cı dəqiqədə Valentin Kretunun vurduğu qolla məğlubiyyətdən qaçıb - 1:1.

Bu heç-heçədən sonra xallarının sayını 38-ə çatdıran FCSB turnir cədvəlində liderliyə yüksəlib. Lakin komandanın ən yaxın izləyiciləri - “Universitatya Kluj” (37 xal) və “Dinamo Buxarest” (36 xal) bir oyun az keçiriblər.

Qeyd edək ki, FCSB  "Qarabağ"la Avropa Liqasının Liqa mərhələsinin 7-ci turunda, yanvarın 23-də Bakıda qarşılaşacaq.