“Liverpul”da qalmaq üçün iki şərt irəli sürdü

“Liverpul” rəhbərliyi komandanın müdafiəçisi Trent Aleksander-Arnoldla yeni müqavilə barədə danışıqları davam etdirir.

Futbolxeber.az saytının talkSPORT-a istinadən verdiyi məlumata görə, ingilis futbolçu yayda başa çatan sözləşməsini yeniləməyə hazırdır. Lakin bunun üçün o, iki şərt irəli sürüb.

Trent Aleksander-Arnold ilk növbədə yeni müqavilənin minimum 3 illik olmasını tələb edir. Sağ cinah müdafiəçisinin ikinci istəyi isə uzunmüddətli perspektivdə komandanın kapitanı olmaqdır. Hələlik klub rəhbərliyi futbolçunun tələblərinə cavab verməyib.

Qeyd edək ki, “Real” Trent Aleksander-Arnolda ciddi maraq göstərir. Madrid klubu yayda onu heyətinə qatmaq istəyir.