Böyük Dəbilqə: Cüdoçularımızın ilk rəqibləri bilindi

Birləşmiş Ərəb Əmirliklərinin paytaxtı Əbu-Dabidə cüdo üzrə Böyük Dəbilqə turnirinin püşkatma mərasimi keçirilib.

Futbolxeber.az saytının məlumatına görə, püşkatmanın nəticələrinə görə Azərbaycan cüdoçularının da ilk rəqibləri bəlli olub.

Los-Anceles-2028 Yay Olimpiya Oyunlarına lisenziya xalları verən yarışda Azərbaycan 9 çəki dərəcəsində 12 cüdoçu ilə (8 kişi, 4 qadın) təmsil olunacaq. Turnirdə 59 ölkədən 374 idmançı (221 kişi, 153 qadın) mübarizə aparacaq.

29-31 oktyabr tarixlərində keçiriləcək Əbu-Dabi Böyük Dəbilqəsində ilk yarış günü təsnifat mərhələsi Bakı vaxtı ilə saat 11:30-da, final bloku isə saat 18:00-da start götürəcək. Turnirin görüşləri “Judo TV” və "CBC Sport"dan canlı yayımlanacaq.

Qadınlar

-48 kq, 1/8 final

Könül Əliyeva - Ulbusin Xakimova (Özbəkistan)

-52 kq, 1/16 final

Gültac Məmmədəliyeva - Karina Yefimova (Rusiya)

-70 kq, 1/16 final

Südabə Ağayeva - Nensi Nquyen (ABŞ)

+78 kq, 1/8 final

Madina Kaisinova - İrisxon Kurbanbayeva (Özbəkistan)

Kişilər

-60 kq, 1/8 final

Balabəy Ağayev - David Ştarkel (Sloveniya) / Nikita Anisimov (Rusiya) cütünün qalibi ilə

-66 kq, 1/16 final

Rəşad Yelkiyev - Erbol Abasbekov (Qırğızıstan)

-66 kq, 1/8 final

Ruslan Paşayev - German Kobets (Rusiya) / Tom Simxayev (İsrail) cütünün qalibi ilə

-73 kq, 1/16 final

Kamran Süleymanov - Zamoxşari Bekmurodov (Özbəkistan) / Xristos Dimitriadi (Kipr) cütünün qalibi ilə

Hidayət Heydərov - Baysanqur Baqayev (Serbiya) / Lusian Bors Dumitresku (Rumıniya) cütünün qalibi ilə

-90 kq, 1/16 final

Elcan Hacıyev - Yosip Buliç (Xorvatiya)

+100 kq, 1/8 final

Uşanqi Kokauri - Şərifcon Nazriyev (Tacikistan) / Yakiv Xammo (Ukrayna) cütünün qalibi ilə

Camal Qamzatxanov - Saba İnaneişvili (Gürcüstan) / Andre Umberto (Braziliya) cütünün qalibi ilə