“Monako” “Şturm”un hücumçusunu transfer edir

“Monako” “Şturm”un hücumçusu Mika Biereti transfer etməyə çalışır.

Futbolxeber.az saytının məlumatına görə, bu barədə Fabritsio Romano paylaşım edib.

Bildirilib ki, “Knyazlıq klubu” artıq 21 yaşlı futbolçunun özü ilə razılıq əldə edib. Keçidin reallaşması üçün “Monako” indi Avstriya klubu ilə ortaq məxrəcə gəlməlidir.

Qeyd edək ki, Mika Biereti danimarkalı olsa da, İngiltərədə anadan olub. “Fulhem” və “Arsenal”ın aşağı yaş qruplarında forma geyən 21 yaşlı forvard cari mövsüm “Şturm”un heyətində meydana çıxdığı 25 matçda 14 qol vurub, 5 məhsuldar ötürmə müəllifi olub.