“Portu” “Atletiko”nun hücumçusunu transfer etdi

“Portu” növbəti transferini reallaşdırıb.

Futbolxeber.az saytının məlumatına görə, Portuqaliya təmsilçisi “Atletiko”dan Samu Omorodionu heyətinə qatıb. İspan forvardla 5 illik müqavilə imzalanıb.

“Çelsi” də 20 yaşlı futbolçunu heyətinə görmək istəyirdi. Lakin Madrid klubu ilə aparılan danışıqlar müsbət yekunlaşmadı.

Qeyd edək ki, Omorodion “Atletiko”ya 1 il əvvəl transfer olunub. Lakin o, ötən mövsümü icarə əsasında “Alaves”də keçirib. İspan forvard bu klubun heyətində La Liqada meydana çıxdığı 35 matçda 8 qol vurub, 1 dəfə məhsuldar ötürmə müəllifi olub.