Okan Buruk cavab oyunu üçün azərbaycanlı hakim istəyir: “Vəziyyət bərabərləşər”

"Qalatasaray"ın baş məşqçisi Okan Buruk Çempionlar Liqasının pley-off mərhələsində "Yanq Boyz"a uduzduqları matç (2:3) haqqında danışıb.

Futbolxeber.az saytının məlumatına görə, mütəxəssis oyunun baş hakimi Daniel Siebertin idarəçiliyindən narazı qalıb. O, bu matça almaniyalı hakimin təyin edilməsinin səhv olduğunu vurğulayıb:

"Mən tribunada idim. Oradan seyr edərkən hakimin idarəçiliyi məni narahat etdi. Lazımsız vərəqələr göstərdi. Bir vərəqəni yazmağı iki dəqiqə vaxt apardı. İsveçrənin dövlət dillərindən biri alman dilidir və matçı almaniyalı hakim idarə etdi. İnşallah, cavab oyununa da azərbaycanlı bir hakim təyin edərlər və vəziyyət bərabərləşər".

Qeyd edək ki, bu komandalar arasında cavab matçı avqustun 27-də İstanbulda keçiriləcək.